Vatan uchun, Millat uchun, Xalq uchun.

Ixtisoslashtirilgan ta‘lim muassasalari agentligi tizimidagi Sergeli tuman ixtisoslashtirilgan maktabi 2022-yil o‘z faoliyatini boshlagan. Maktab aniq va tabiiy fanlarga ixtisoslashgan. Ta’lim tili - o‘zbek. Shuningdek, o‘quv maskanida ingliz tili (IELTS), koreys tili, IT va robototexnika bo‘yicha maxsus dasturlar mavjud.
Ilk o‘quv yili maktab 17 ta sinfda jami 408 ta o‘quvchini qamrab olgan edi. Mazkur yangi o‘quv binosi 2023-yil sentabr oyida foydalanishga topshirilgan. Hozirda umumiy 540 o‘quvchi 24ta sinfda tahsil olmoqda. Har bir sinfda 24 nafardan oshmagan holda o‘quvchi o‘qitiladi.
Bugungi kunda 53 nafar pedagogik xodimlar faoliyat yuritmoqda. Shulardan yarmi oliy toifali xodimlar hisoblanadi va 20 nafarining xalqaro va milliy sertifikatlari mavjud.